天氣凍，就心思思想打邊爐！香港有好多任食既火鍋，俾一個價錢就可以任食，唔怕食到一張震撼既賬單！不過任食火鍋既質素通常都唔係特別好！不過今次試左一間都幾好既雞煲任食火鍋，又真係有驚喜喎！
呢間火鍋店係無餐牌既，一坐低首先會黎一個雞煲。個雞煲辣味又唔係太強，就算叫小辣都無咩辣既感覺。不
過香料味都幾重，味道都還可以既！
食完就換個蟹鍋繼續打邊爐！由於無餐牌，所以當然係無得選擇！一開始就全部款式黎一set。款式其實真係算小，海鮮有8款，牛肉一款，丸4款，菜，等等。不過牛肉同幾款海鮮(蠔，帶子同花甲)都係無得追加，而聖子，魷魚，蝦同魚都可以無限追加！海鮮都算新鮮，加埋個蟹煲，都算幾鮮甜！丸方面都幾驚喜，佢唔係一般任食火鍋店既hea丸，而係手打既魚滑，質素都可以咖！
甜品方面，係燕窩燉蛋，都算驚喜！好香好滑！不過就無得追加！
由雞煲食到甜品，連汽水任飲，都係HKD$300有找！環境係有小小迫，不過都算乾淨！佐敦分店有分時段，最長得3個鐘，好似唔太夠食喎！
倫哥私房菜
佐敦佐敦道28-28A號佐敦廣場2樓
一人大約 HKD300
Search